在ViuTV選美節目《美選D.n.A.》一直被視為大熱冠軍的「巨胸翠如」鄧月平（Larine）和張沛樂（沙律），由初賽鬥到決賽，二人順利殺入12強，將於下月18日爭奪后冠。
盼社會正視
憑35F「胸」器所向披靡的Larine，亦因為澎湃身材，童年受到同學欺凌甚至非禮。日前Larine接受專訪時，憶述童年經歷，她說：「其實小學已經發育，到中一開始有啲聲音，話我返學做乜要加墊喺個胸度，小息又會有一大堆男仔企喺門口指住我，放學嗰陣又俾人攔截，試過有男同學問可唔可以俾佢摸一下。」
Larine續說：「之後變本加厲，小息或者放lunch，我個書包啲書都會俾人整濕晒，上堂又會剝咗我隻鞋，仲試過喺操場釣隻青蛙落嚟，我想講，喺呢個年代，學校欺凌真係好嚴重，講出嚟係想社會關注吓呢個問題！」
見心理醫生
在學校惶恐度日的Larine，有日午膳終於喊住跑返屋企，跟媽媽說：「我一係唔返學，一係返學校吊頸死！」其媽見事態嚴重，立即找社工安排她見心理醫生，但最後醫好Larine情緒病，竟是麥浚龍（Juno）的電影《殭屍》，她解釋：「呢套戲最尾叫人放下，睇完好似成個人開竅，所以Juno係我偶像嚟！」
採訪：王梓嫚
