藝人陳曼娜的女兒鄭祖兒（Joie）昨晚出閣，在灣仔君悅酒店筵開約40席，貫徹潮外母形象的陳曼娜，以一襲桃紅色晚裝配以粉紅色假髮跟囡囡及女婿蔡朝旭（Dicky）讓傳媒拍照。當記者要求一對新人拍咀嘴相時，他們最初是借位拍攝，最後才肯蜻蜓點水式吻了一下。
望女生孖B
昨晚出席婚宴的嘉賓有王維基、盧宛茵、楊玉梅、林建明、黃錦燊及趙雅芝、吳卓羲、謝雪心、胡楓及羅霖等。羅霖落車時疑似走光露毛，事後她回應說：「其實條裙入面連住一件好似泳衣咁嘅jumpsuit，走光都唔驚。」她形容這個設計很好，事前測試過很多次。
陳曼娜與女兒及女婿受訪時透露，晚裝由本地設計師鄭兆良負責，陳曼娜說：「今次係又愛又恨，個女搵到好老公，但佢老公攞走個女，當多咗個仔啦，噚晚都瞓唔着。」她表示囡囡答應婚後會多點回家探她，並透露女婿很想生男B，所以婚後他們會努力造人：「最好幫我生個孖B，肥肥白白三年抱兩，個女婿值101分，唔係今晚都唔出現。」
送700萬嫁妝
講到早前陳曼娜以400萬元的法拉利跑車、金器及首飾等總值700萬元作嫁妝，身兼上市公司董事及投資公司總裁的女婿Dicky亦以5卡的鑽石成功求婚。陳曼娜說：「佢哋之前去瑞士同巴黎影婚紗相，四套婚紗每套都10萬蚊，今晚酒席又係最好嘅，都使咗成幾百萬。」另外，吳卓羲接受訪問時透露媽媽終於開聲問抱孫，他說：「佢淨係問幾時有孫抱，跳咗結婚嗰部份，佢終於開聲問。」
採訪：黃曉妍
攝影：葉君海