昨日《蘋果》獨家影到大劉同甘比已經入紙申請註冊結婚，甘比可謂成為最大贏家，雖然下着毛毛細雨，但即將坐正做劉太的甘比，仍心情靚靚，昨早如常湊仔女上學，首先由高士美道大宅出車，先送囡囡秀樺返學，之後就折返大宅接囝囝返學。
戴上黑超的甘比以Chanel羊毛針織裙送一對仔女上學，孭了劉家女人愛用的Hermès手袋，今次甘比孭的是今年冬天新出的Toolbox黑白雙色款，這款手袋袁詠儀和李嘉欣都有一個。甘比今早的打扮Chanel+Hermès是最基本的打扮，而她孭的Hermès手袋和服飾都永冇重覆，每次都是新裝新袋上陣，認真富貴。
更多時尚、美容新聞，即上： http://add.appledaily.com