明年嘅特首選舉好明顯開始咗啦，但同上次唔同，今次親北京陣營因為揣摩唔到北京諗緊乜，所以人人唔敢表態，反梁嗰班固然唔開聲，但連撐梁嘅都唔敢開口。相比起嚟，上屆「明張目膽」好多咯。
「要給他機會」
5年前今日，時任匯豐亞太區行政總裁嘅王冬勝公開挺唐，當時佢已經循選委會金融界自動當選，但相信今年同樣循金融界當選嘅王冬勝，呢個時候都係沉默是金。當時梁振英被問到點睇王冬勝挺唐，佢無正面回應，只係硬銷自己喺商界都有好多支持者，未來會繼續爭取選委支持。
與此同時，當時仲係立法會會計界議員嘅陳茂波就話，已經準備喺梁振英宣佈參選時打氣，仲為梁背書指「最近多了人說，要給他機會」。唔知今屆，仲有幾多人想畀機會佢？