CY嘅語言偽術，呢幾年令人嘆為觀止。5年前呢個時空，又同CY宣佈參選嘅日子近咗一日，唔少傳媒都報道佢嘅競選班底，最關鍵係全國政協副主席、前特首董建華係咪撐佢？
頻頻落區去論壇
5年前今日，CY仲係頻頻落區嘅人，當日佢一連去咗醫學界同旅遊界嘅論壇，喺醫學界論壇上表現得唔太熟書，唔少問題只係話自己未有深入研究、要再了解，再唔係就索性唔表態；至於喺旅遊界論壇就賣口乖，獲唔少業界歡迎。
好喇，當記者問到老董係咪支持佢嘅時候，佢唔正面回答，但就特別話自己成日同老董接觸，大家有好多共同話題，不時就關心嘅問題交換意見。翌日有評論話，老董身為全國政協副主席，地位屬國家領導人，就算真係挺梁，礙於身份都唔會出面，何況老董否認過為CY拉票？原來CY式語言偽術，當年已經苦練咯！