吳忠義（Togi）以好好先生形象，陪住患癌前妻司馬燕抗病直至前妻喺去年1月病逝，不過喪妻之痛未夠一年，去年被大陸小三孫君子（Summer）大爆兩人暗交5年。
Summer當時指吳忠義曾承諾喪妻後會娶佢過門，不過有指Summer未得到名份，就先向吳忠義身邊友人開火，拒絕異性接觸佢「老公」，其中一位受害者嘅就係司馬燕好友周美鳳。
之後三位捲入事件嘅主角各自闡述事件，周美鳳稱被Summer滋擾半年，要求對方道歉、刪走誹謗言論同賠償；而Summer就公開同吳忠義嘅電郵紀錄，證明關係密切，又發聲明警告周美鳳，指佢人身攻擊；吳忠義就發聲明，承認曾與Summer拍拖4個月，仲稱對方酗酒兼精神錯亂威脅自殺，又攻擊身邊友人，先選擇分手。
事後吳忠義曾稱Summer為危險人物，又指事件中所有人都是受害者，只有輸家沒有贏家，令事件丟淡。直到今年初，《蘋果》發現吳宗義戀上Beth，事件才告一段落。