中環堅道與鴨巴甸街交界的榕樹頭下，87歲的許均(均伯)開了一檔「許均記」，64年來補過無數鞋履，手功一直得到街坊盛讚，個個叫他「補鞋佬」。今日他連招牌都收起，表示人到夕陽時只想簡單開心過日子，「再揀唔入呢行唔做補鞋嚕，只係做開又年紀大，唔知轉做咩好。」
來港擺檔64年 救鞋無數 但客人走數
均伯16歲時在廣州學造鞋，幾年後解放時跟朋友來香港。20歲就開了許均記，之後在榕樹下擺檔，一擺就64年。回憶當年學師，均伯笑說其實是隨口噏，「嗰陣時啱啱有親戚喺廣州返鄉下，我順便問有冇人請學師，然後就自己出廣州學師。」一個「隨口噏」，均伯就開始了大半世人的造鞋補鞋生活，用一個鞋檔養活一家八口。
做了64年，均伯救過無數對鞋，小至黐邊上線，大至補鞋底、打磨拋光，全部都一絲不苟。小小檔口，掛着十數對修補好的鞋子，全都是均伯補好卻沒人取回的。「啲人補好又唔攞，我只可放喺度等。」補鞋雖說成本不高，但如此一對一對鞋子積少成多，相信均伯都虧了不少錢。記者提議留下客人電話，或是先收錢再補鞋，均伯聽後卻大力搖頭，「我信啲街坊，而且留電話都冇用，要唔攞就唔攞。」
均伯慨嘆：「入錯行，繼續做呢行只為養家。」
均伯說補好一對鞋，除了要整齊好看，更加要穿起舒適。問他會否覺得這是一門手工藝，他直言沒想過是手工藝，一直做純為養家。「再揀唔入呢行唔做補鞋嚕，只係做開又年紀大，唔知轉做咩好。」他搖頭，坦言做補鞋佬並非搵錢行業，以前即使算是有一門手藝都不能賺錢，更何況今時今日沒人補鞋的年代。「今日個個着波鞋，追新款，一對鞋幾百蚊好平就有，邊有以前咁慳儉，一對鞋補完又補。」他告訴記者，若然再揀會做水電工，因為賺錢比較快。「換支光管，五分鐘就300蚊。我一對鞋先收百一，要補三對，你話我要用幾多時間？」口裡看似甚麼都往錢看，但回歸原點，年輕時均伯密密做其實都只為養家。「入錯行，繼續做呢行只為養家。」
「許均記」養活一家八口，今日均伯連招牌都收起，表示人到夕陽了只想簡單開心過日子。「打算做到唔識郁，坐喺檔口見下街坊吹兩句，開開心心過一日，好過退休坐喺屋企睇電視。」但收起招牌，手藝連家人都不傳授，後繼無人不會可惜嗎？「自己都搵唔到食，教佢咪衰多五錢重。」他更直言，現在社會選擇多，做任何一行都比補鞋好。「除非你好喜歡，一定要自願先好入行。」此話從均伯——一個64年做同一行，卻感嘆入錯行的老人口出似乎份外有力。
許均記
地址：中環堅道98號
記者：黃凱婷
攝影：徐振國