上周六喺倫敦舉行嘅ATP年終賽，東道主球手梅禮喺四強打足三個半鐘，先以盤數2:1反勝加拿大重炮手華奧歷，闖入決賽同祖高域爭年終一哥寶座！梅禮雖然喺第一盤先輸5:7，而佢喺比賽期間為咗激勵自己，仲不斷攞塊球拍拍自己對手，搞到啲手指關節流晒血。好彩梅禮喺之後兩盤「搶七」成功，佢贏波後就話攰到不得了：「我估唔到自己可以同華奧歷呢類重炮手周旋咁耐！」