唔知紅look聖誕老人，受歡迎程度夠唔夠呢批聖誕熊？擅長以廢棄塑料玩具、毛絨玩具同家居用品，升級再造大型雕塑嘅英國「Upcyling達人」Robert Bradford，今個聖誕獲邀夥拍本地資深舞台設計師Benfi Sum，將逾兩萬件玩具、聖誕花、毛絨公仔等物件，Upcycle為七彩繽紛嘅型格Santa Bear雕塑，呢個座落apm嘅6,000平方呎嘅聖誕爆熊王國，相信會成聖誕selfie熱點。
王國原來有六大爆「熊」區，包括20呎高Santa Bear巨型雕塑、華麗Santa Bear夢工場同藝術小爆熊珍藏館等。而喺夢工場入面，大家可以睇到小熊誕生嘅過程，10個唔同造型嘅小熊玩具兵團更會喺輸送帶上列陣，歡迎每位到訪顧客。