自特朗普贏得美國總統寶座，全球投資市場出現翻天覆地變化，簡單而言，所有東西都加快了，如美國加息步伐預期急速升珉、人幣加快貶值，日本亦借勢加快完成將長債利率由負變零的行動，連帶原以緩慢速度從新興市場向美國流走的資金，亦一下子變速加快撤離，港股因而表現疲弱。
是否應該年尾前「博一博」？投行朋友跟密西比說，若不想「輸凸」，明年才再「落場」吧。他說：「今年大家俾政治市玩謝，以為坐定粒六英國唔脫歐，佢就脫畀你睇……到你接受咗脫歐係事實喇，沽晒貨，個市就升番高過脫歐前水平，你話死未？」
他續說：「臨年尾再嚟多鋪，明明民調話希拉莉贏硬，又坐定粒六等收錢，點知俾個一開始話實輸嘅特朗普打低，個市又癲過……今年有錢賺嘅大fund基金經理，大多數喺11月尾開始結算，所以12月個市應該冇乜主題，不過，由於點都會有人唔夠數要追數，所以下個月好大可能會有啲估唔到嘅奇怪事件發生，隨時搞到嘔凸，為乜？」
留得青山在，何必「咁博呢」？
密西比