【馮仁昭四圍超】夏雨嘆阿仔冇歷練

【馮仁昭四圍超】夏雨嘆阿仔冇歷練

夏雨、李家鼎、李泳豪及陶枳樽等噚日喺尖沙嘴出席《網絡大電影發佈會》,羅棋導演介紹即將開拍三部電影。夏雨同羅棋係十幾年朋友,所以專程撐場,佢話:「佢畀咗個講退休江湖大佬嘅劇本我,都可能會合作。」
提到兒子黃奕晨,夏雨指阿仔有好多進步空間:「𠵱家啲小生都過四張啦,青黃不接係因為唔夠人生歷練,佢(黃奕晨)都冇拍戲經驗。」
撰文:馮仁昭