香港乒總噚日喺尖沙嘴舉行80周年會慶，一眾港將盛裝出席，連政務司司長林鄭月娥同前世界冠軍鄧亞萍都有嚟。上月升上個人世界排名新高第七位嘅黃鎮廷，特登由中國返嚟出席會慶，下月頭佢會去多哈出戰世巡賽總決賽，呢次仲係呢位香港一哥首次以前八排名出席總決賽，可以喺16強避開前七號種籽，之前參加總決賽都喺首圈出局嘅黃鎮廷就話，今次至少入次圈係好事喎。