猷啟與超蓮這對龍鳳胎感情好好，愛鬥嘴就是兩姊弟的相處方式，不過訪問當日，超蓮見猷啟顯得疲倦，就代他受訪，猷啟間中來一個翻眼表情回敬。兩姊弟都不相信有心靈感應，超蓮表示：「係完全冇，我哋最接近心靈感應嘅一次，就係佢喺澳洲，我喺香港，我哋要揀學校，大家唔知對方揀乜嘢，但結果出嚟嘅選擇係一樣。」超蓮笑言弟弟長大了便嫌棄她：「以前會一齊打機一齊玩，係極糖黐豆，但係佢𠵱家嫌棄我喇，成日話我唔識拖累佢。」
兩人對着母親及夾擊家姐超雲就最合拍：「俾媽咪鬧嗰陣，我哋一齊駁嘴，一唱一和咁。我哋兩個同埋何超雲唔同，家姐永遠都係揀唔同嘅嘢，例如食飯佢揀A，我哋兩個永遠揀B，二對一，所以佢永遠都輸。」
