【本報訊】一對家住深水埗的越南裔夫婦，前晚因妻子不滿丈夫飲酒，兩人在粗言互罵，其間火爆醉夫突然執起磚頭猛向妻子頭部狂扑，妻當場頭破血流，醉漢傷妻後仍施施然坐路邊吸煙飲酒，警員接報趕至將他拘捕，受傷妻則被送院治理。
涉事夫婦同為53歲，持行街紙留港，兩人育有3子女，來港一年多，家住深水埗。前晚越漢離家落街飲酒，妻子不滿四出找尋，終在汝州街近北河街發現丈夫滿身酒氣，兩人發生爭執，粗言對罵。躁夫發難出拳毆妻，其間更執起路邊工地堆放的磚頭，狂扑妻子頭部，妻子反抗攬着丈夫一同倒地，此時躁夫仍未罷休，將妻按在地上，手起磚落狂扑妻頭，此時有女街坊上前制止拉開越漢。
途人：好似想攞佢命
有目擊者形容越漢「好似發咗癲咁，好似想攞佢（妻）命，又向途人怒目而視。見佢（妻）爆頭，頭頂流晒血」。其後越婦負傷逃走至汝州街一幢大廈。越漢則走入便利店，買酒坐於路邊邊飲邊抽煙。未幾警員到場將他拘捕，當時他情緒已回復平靜，未再反抗。警員稍後找到越婦，將她送院敷治。
■記者姜偉康、溫文學