東南亞錦標賽上星期六喺菲律賓揭幕，頭場A組由衞冕隊泰國對停賽一年後解禁冇耐嘅印尼，泰國臨場勁落飛，由初盤讓半/一變成讓一球/球半。印尼落後0:2下一度追成2:2，但到末段球員明顯體力不繼，俾鄧達喺補時階段完成帽子戲法，最終泰國贏4:2。尾場東道主之一嘅菲律賓就失威，喺大部份時間多踢一人下，只係同新加坡互交白卷。