曼聯前鋒朗尼嘅醉貓相早前流出俾全城聲討，球壇酒鬼又點止佢一個？英國《太陽報》報道，效力英冠紐卡素嘅前鋒杜韋加爾，日前幫隊友拿修斯慶祝生日嗰陣疑似飲大咗，攞35,000鎊周薪嚟吹噓，就咁俾葡萄友質佢兩槌；加爾當場失去知覺，仲甩咗四隻牙！不過見佢上周五操練嗰陣棚牙靚番晒，今晚英冠作客列斯聯可以預埋佢。