美斯不愧為阿根廷嘅英雄！呢位巴塞球星除咗喺上周二嘅世盃外幫國家隊擊敗哥倫比亞外，更加自掏腰包幫一班俾阿根廷足總拖糧嘅保安。《馬卡報》近日爆料，話阿根廷有保安人員代表喺球隊作客巴西前約見美斯，話阿國足總拖欠人工半年，希望佢可以幫吓佢哋。美斯知道呢件事之後，就即刻嗌老竇幫手處理，決定自己出錢幫呢班保安！