5年前今日，仲係疑似特首候選人嘅唐英年同一班天水圍街坊對話。富貴人家出身嘅唐唐就好似帶住原罪一樣，俾班基層市民鬧到體無完膚，譬如話佢唔識講嘢、含住金鎖匙出世、唔了解窮人苦況等等，有攞緊綜援嘅街坊甚至話佢個女寧願揀CY都唔揀唐唐。
不過同一日，CY返番去佢做過校董會主席嘅城大嗰陣，城大教職員協會成員同教師都逐個翻CY舊賬，大鬧梁做校董會主席嗰陣用霸道狠辣手法打壓工會同言論自由，例如協會主席謝永齡批評CY用營商手法嚟營運城大，亦有教師不滿佢曾向協會執委出律師信，擔心CY做特首，言論自由就會萎縮。CY嘅回應好簡單，乜都唔關佢事。總之，CY做咗特首後，領綜援嘅人冇少到，但冇咗自由嘅人就多咗好多。