短途馬王「天久」退役之後，澳洲猛將柏寶最愛錫之馬是哪一匹？毫無疑問是「幸運如意」，因為「幸運如意」極可能是新一匹短途馬王。
「幸運如意」12次上陣全是柏寶騎，取得6冠3亞1季，不但陣上親自操刀，甚至晨課亦不假手於人，除非柏寶冇到場，否則「幸運如意」必定由他主操，就像今朝(18 日)一課簡單慢工夫，柏寶亦花成擔心機，出試前對此駒又錫又摸，人馬來個親嘴，這一幕充滿了愛，之後先在機坪踱步熱身，再到內圈慢跑，操完返到機坪落馬，又再摸「幸運如意」馬頭，簡直視此駒如珠如寶般。
「幸運如意」上仗贏精英碗，走勢有幾勁大家有目共睹；復課後於本月11日試泥大閘，亦以凌厲後勁勝出，目前戰鬥力正值高峰，周日(20日)爭1200米馬會短途錦標，對手仍是那一批，相信力足再捷。