一，司法覆核JR，走紅。日本朋友千祈咪以為這是火車站，買錯票，入錯閘，還會被控唔莊重。
二，DQ，比DT勁，口講無憑的美國總統已經走數兼軟下來了，但香港領導人剛剛硬了，DQ會繼續上。
三，駐港德國使館怎麼妙譯「人大釋法」？句子有冇咁長：香港所謂一國兩制提早玩完，跟特朗普叫佢老婆來當特首一樣，重災，失救。
四，比粗口更難聽，長居榜首，明年肯定冧莊的，一個字：愛國。
五，加拿大打算起圍牆嗎？大陸優才湧港，剛拿到居港權，買咗個半山單位，仔女剛被名校取錄，卻被梁游單官司嚇窒，決定急急腳走人。
六，還講五區公投？搞錯，當民x聯食屎屙飯咩。講過N年唔選的人，大把位走，心動嗎？唔使鎅票，對刀片敏感的你有福了。
七，比朴槿惠民望低好多好多，只有-50的狼，極大機會被阿爺閘停，脫腳後憤而參加N區補選。同鄉社團收到，九西留位，等住摺凳！