日前被傳已經向特首梁振英辭職嘅財爺曾俊華，雖則透過辦公室發言人否認呢個傳聞，但好多人持續關注。佢噚日出席《中國日報》嘅校園學報新聞獎活動時，都再被傳媒問到幾時去馬，但續以微笑回應。
而佢喺活動致辭時就向記者送高帽，話一直覺得香港嘅記者好厲害，見過有記者一手影相、一手拍片，仲要寫稿，效率驚人，笑指相信記者「唔係攞3份人工」，卻多才多藝。佢話有人指記者行業或會消失，個人卻深信呢行不會被取代，認為有質素、客觀、公正嘅報道，經得起時間考驗，佢話希望不久將來見到同學投身新聞界，「我會非常高興接受你們訪問」。
同樣係大黑馬嘅曾鈺成，噚日出席公開活動時否認葉劉同財爺曾向佢拜票，笑指「我都冇票」，話胡國興指其他人曾向佢拜票係誤解。