民建聯唔少議員因為講英語，而鬧出唔少笑話，新丁議員周浩鼎就冇有怕，噚日喺立法會會議廳以英語發言，促請政府修改消防安全條例，講咗足足兩分鐘。阿鼎話用英語發言完全冇難度，亦指唔少黨友，包括曾被笑講咗「搓賣breast」嘅陳克勤，英文都唔差，見領事時英語好流利喎，「唔覺佢有乜嘢陰影」。
阿鼎話香港係國際都會，所以都要用英語講吓嘢，咁先可以接駁全世界，嚟緊會推動立法會議員多講英語，強調自己唔係「戀殖」，只係覺得有需要講吓箒。
佢話呢屆唔少議員都喺英國留學，包括公民黨郭榮鏗、公專聯梁繼昌、建制派「班長」廖長江、鄉議局主席劉業強等，當中梁繼昌同劉業強同佢一樣都係倫敦經濟學院校友，唔知會唔會整個英國同學會？