禮拜日（20日）田草十場賽事用B加2欄作賽，呢條跑道對前置馬頗為有利，以最近10月8日八場草地賽事為例，放頭馬包辦半數場次頭馬，分別有「按得贏」、「踏雪無痕」、「小米周」及「旌暉」擺前帶到，而且七場轉彎路程賽事俱有一至三檔馬上名，故此抽內檔具前速之馬匹值得優先留意。
今戰列陣馬中，第九場「小米周」正是於10月8日田草B加2欄賽事一放到底，今仗重返強項且回配合作兩次全勝之蔣嘉琦執韁，俾佢放出隨時又可帶到。另外，第二場「又襟又準」三戰田草B加2欄1200米獲一冠一亞，亦係全場唯一贏過此移欄同程之參戰馬，均速馬憑跑道形勢，有力重開勝門。