巴塞隆拿喺周三宣佈同日本公司樂天達成合作協議，未來四年每年收6,000萬歐元（約4.9億港元），不過有報道指原本樂天係想同英超曼城合作，不過佢哋竟然開出個曼城球迷聽完火都嚟嘅條件，就係要將球衣主要顏色由藍變紅，配合番呢個日本品牌。要隊波嘅波衫轉色已經係好難接受嘅事，仲要轉成同死對頭曼聯一樣嘅紅色咁大逆不道，曼城梗係唔制啦。