周日（20日）重頭戲之一的第六場2000米國際二級賽馬會盃，一向是韋達基本座騎、葉楚航馬房的「天才」，將首次由綽號炒飯哥羅理雅執韁出戰，配搭令人意外，而結果韋達這場坐冷板凳，並無座騎，有疑似被飛之嫌。
羅理雅透露，自己都是較遲才得悉獲得「天才」的帥權，不過已於這天排位朝過檔此駒，快跳兩段共800米，炒飯哥話操練期間感覺良佳，「天才」肯定有接近十足狀態。雖然「天才」今仗面對「威爾頓」和「將男」等馬王級分子，但炒飯哥話「天才」係遲熟型馬，仲有進步唔出奇，何況上仗婦女銀袋賽，韋達早段跟馬尾墮後，直路塞到傻冇望空過咁滯，咁都跑第四，證明實力未盡，亦唔知係咪當日發揮麻麻，導致韋達被飛呢？