一田百貨之前最出名就係「唔開會的CEO」莊偉忠同熊本熊，但自從莊偉忠離開一田，本月初由黃思麗（Susanna）坐正做CEO之後，一田都好似有個大轉變。
華華思疑Susanna鍾意Hello Kitty多啲，自從莊偉忠走咗之後，熊本熊都好似慢慢失勢，好似今年中秋節，Susanna落力sell印有Hello Kitty木盒嘅生果，聖誕又同Hello Kitty合作搞pop-up store，咁熊本熊呢？Susanna回應話，佢哋同熊本熊嘅關係仲好好，今年3月先至同佢慶祝生日。
噚日佢向傳媒介紹半年一度嘅「一田購物優惠日」，講到濕平就即刻好雀躍，仲記得晒每件貨由幾錢減到幾錢，女人與濕平果然分不開。