人民呀！覺醒吧！有報道話北韓偉大領袖金正恩決心要將國家打造成為足球強國。足球運動喺北韓已經成為優先執行嘅運動項目，全力振興足球事業，目標係將全國青少年足球員，訓練成為比美斯更加出色嘅巨星。嘩吓，咁搞法到時北韓有成隊美斯足球軍團，咁咪打遍無敵手？冇錯，北韓嘅目標係先稱霸亞洲，再統治世界，隨時快過習大大嘅國足贏世盃冠軍足球夢喎。
