「上海姑爺」羅康瑞旗下瑞安系近年人事變動頻密，好似舊年老臣子黃勤道退休，同財務總裁尹焰強前後腳離開瑞安房地產（272），同系瑞安建業（983）噚日宣佈，做咗27年嘅董事總經理兼財務總裁黃福霖明年1月亦退休了。
有趣嘅係，黃福霖61歲退休，竟然由67歲嘅黃月良接替佢做瑞安行政總裁兼財務總裁，瑞房嗰邊，佢就由執董轉做非執董。
黃月良應該係瑞安中堅中嘅中堅，佢1981年加入瑞安集團，2004至2010年做瑞安建業行政總裁，2011年轉做瑞房非執董，舊年中轉做執董，𠵱家又轉做非執董，總之佢keep住遊走於瑞安與瑞房之間，肯定係羅康瑞最信得過嘅人喇，唔通好似梁特咁，蜀中無大將咩？