內房股龍頭之一中海外（688）主席換人，今次由郝建民交棒畀一向負責中海外香港業務嘅肖肖。肖肖仲一口氣接任埋中海宏洋（081）、中海物業（2669）主席，一次過升正晒。
講起肖肖，大家可能冇乜印象，皆因佢好低調。華華好記得，無論業績會，還是中海外春茗，每次郝建民叫佢開金口講多幾句，肖肖都耍手擰頭話「下次先喇」，好少搶鏡。
但其實肖肖本身好talk得，佢同好多中海外高層一樣，雖然係內地人，但識聽、識講廣東話。好似有次公開場合，傳媒問佢個名「肖肖」係咪正字，定應該係「蕭蕭」至啱。
佢就話一直都用「肖肖」，冇錯㗎。所以大家都係繼續叫佢「肖肖總」（音:消消腫），幾可愛。