周三(16日)快活谷第七場二班1800米日本中央競馬會錦標，方嘉柏馬房身價1,300萬的「瑰麗傳奇」上場初跑快活谷，於同程1800米配何澤堯後上入Q，表現出色，今仗改配雷神莫雷拉再跑同程，相信屆時會有不少馬迷捧場。
「瑰麗傳奇」馬主文壽強認為，愛駒只要克服十檔的阻力，應很有機會取勝。文壽強說：「『仔仔』（『瑰麗傳奇』花名）其實上次應該贏出，可惜際遇很差，畀頭馬『開心駿馬』沿途慢放，控制晒步速，直路『仔仔』又遇上擠碰，所以僅僅落敗。其實方嘉柏賽後條氣都好唔順，立即向我講話下次再出搵莫雷拉補中。雷神早於一個月答應騎『仔仔』，如今『仔仔』成熟了，進度好食料正常，相隔一段時間才於今仗再出，是因為方仔一心等待谷草1800米。今場排10檔係差些，希望可以克服，機會應該唔錯。」