亞洲足協上周公佈年度頒獎禮各提名名單，東方龍獅教練陳婉婷獲最佳女教練提名，據聞東方好想牛丸下月一號去杜拜出席頒獎禮，不過由於三號要喺聯賽榜首戰對傑志，搞到牛丸未決定去唔去。牛丸噚日話，為咗尊重大會，對球會又係光榮嘅事，決定30號起程，其間會錯過對傑志前嘅兩課操練，因責任問題，佢覺得對唔住球員喎。