周日(20日)沙田馬場二級賽2000米馬會盃，雷神選騎久休半年復出、快9歲的前馬王「軍事出擊」，可謂令人意外的配搭。
「軍事出擊」的馬主才女梁芷珊說：「『軍事出擊』用雷神是練馬師方嘉柏意思，雷神是一位好騎師，當然非常好，當時我都有問小方，為何唔用潘頓，小方就回應說『唔好啦，搵用莫雷拉！小方輕輕帶過就算了。』我們希望和練馬師及騎師都有好的合作，小方用雷神，當然有其原因，我們都好多謝雷神肯騎『軍事出擊』。『軍事出擊』的競賽生涯已踏入倒數階段，好大機會跑埋國際賽後退役，我們當然希望在牠退役前，由雷神贏番一場重要賽事。」
「軍事出擊」日前由雷神贏試閘走勢好好，但當時大家只諗住他純粹試一試，未必真的騎一匹過氣老馬，結果他竟放棄年輕質新的「東方快車」等駒而揀「軍事出擊」。以往雷神曾策「軍事出擊」贏2014年香港金盃，人馬合拍當然唔成問題啦！