前英格蘭國腳林柏特星期一宣佈離開美職聯球隊紐約城，外界估佢有機會掛靴，轉為做教練。英國《每日郵報》報道，林伯嘅前球會車路士已經伸出橄欖枝，無論林伯想入教練團定係做宣傳大使都冇問題，最緊要確保佢唔會去第二間英超球會教波；亦有傳英國嘅電視台想請佢去講波。林伯今季帶領紐約城打入季後賽但喺東岸四強出局。