「偏心馬」又嚟喇！練馬師沈集成星期三(16日)快活谷戰馬中，這天周二紛紛作最後備戰，沈集成自己隻隻唔操，偏偏只試第八場三班1200米的「得利多」，明顯心目中地位特別高。
沈集成為「得利多」喺內圈踱步，晨操專家積奇表示隻馬走起來步頭輕爽，情緒集中，成熟狀態與日俱增。事實上，「得利多」今季演出好穩定，初出於同程四班谷草1200米取勝，展現凌厲後勁，但因此加9分絕非少，所以近兩仗升上三班，均只能追近。
然而，經過這兩場適應，相信「得利多」已消化了加分，雷神連續第四次策騎唔放手，亦反映「得利多」實力未盡，本周一更由雷神親試草地備戰，重視之情溢於言表，再加上沈集成賽前一日親操的「偏心馬」向來勝出率甚高，因此「得利多」當然值得睇高一線。