梁佩瑚胞弟「肥屍」梁焯滿做自編自導自演拍攝網絡電影《江湖之社團風暴》，最近YouTube有疑似trailer睇，有網民睇完就話：「經濟唔好，連洪興都窮咗好多，直頭有一陣布吉味(深圳都不如）！」仲指呢套電影似係學生作品。
除此之外，trailer入面啲字幕都係一大重點，其中中文字幕有唔少錯字「返咗」變「翻咗」、「郁佢」變咗「嗌距」、「仆街」變咗「撲街」、「搵」變「穩」、同埋「嘅」「啦」變晒做「既」、「拉」等等。
另外，英文字幕同字非常特別，例如：「吹雞」譯作「blow chicken」、「嗱我叫天佑」 譯作「fu_k My name is Tian You」、「目中無人」 譯作「To one's eyes there is no other」，而記者曾經嘗試過同google translate以及大陸廣泛應用嘅百度翻譯，都未能成功翻譯！