哈利卡尼上場世盃外冇份出場，提早離開英格蘭國家隊返熱刺備戰英超，不過佢同球會傾續約就有阻滯。卡尼目前周薪六萬鎊，比今季加盟嘅穆沙施素高少三萬五鎊，但據講孤寒班主利維唔肯開出球會頂薪條件俾卡尼，所以雙方𠵱家已經暫停咗續約談判。另一邊廂，早排傳出巴塞隆拿已經同美斯傾好續約條件，但日前傳出美斯又決定唔簽住，甚至會等到2018年約滿先再決定去向。