新一屆特首選委會選舉提名噚日結束，5年前嘅選委會選舉就喺今日結束。5年前嗰次選舉嘅特別之處，就係有份參選特首嘅梁振英，自己都走埋參選選委。
唔學老董放棄投票權
5年前今日，仲做緊全國政協常委嘅CY趕上尾班車，報名參選政協界別嘅選委議席。當時大家都質疑佢「攞到盡」，但佢就話政協界別喺選委會嘅設計上有其重要性。至於會唔會為咗避免利益衝突而放棄投票權？佢只係話「到時再講」，然後燒埋首任特首董建華嗰叠，話老董當時放棄投票權，皆因佢身兼特區籌委會副主席。
見微知著，梁振英以政協身份參選選委，的確冇違法，但作為一個會參選特首嘅人，咁樣或者會畀人睇到，你唔係好有大將之風喎。但八方覺得更有趣嘅係，如果冇佢自己一票，或者唔會俾人叫689叫足4年咯。（佢唔會冇投票畀自己啩？）