今年初日本熊本縣大地震，身為熊本縣營業部長嘅熊本熊當然要去救災。忙咗大半年，熊本熊終於可以放大假，佢仲會嚟香港，首度在香港過聖誕，同好耐冇見嘅香港朋友敍舊。
同粉絲玩熊抱
荷里活廣場本月28日至明年1月2日舉辦「熊本縣Kumamon『熊』式聖誕之旅」活動，變身成為熊本縣Kumamon聖誕主題樂園，樂園將熊本縣多個特色景點融入設計內，包括會立體展示熊本縣當地物產、人氣黑川溫泉、水前寺公園及神社鳥居、熊本縣市區列車、球磨川木橋等等。今個月27日，粉絲仲有機會同熊本熊嚟番個熊抱，同埋合照留念。Kumamon精品店又會舉行聖誕義賣，所得扣除成本後，將撥捐畀熊本縣政府支持振興發展用途。粉絲亦可以送上幸福紙鶴，為熊本縣打氣。