「去英國，係出席百貨公司嘅酒會，短留香港幾日，又要去美國。」易緯集團主席李偉生說。儼如名店御用室內設計顧問，高𥧌期一年飛54次，旗下客戶由Gucci、Cartier到Graff，粒粒皆星。香港零售業吹淡風，他的戰場卻在世界，最近為倫敦騎士橋旁的英國百年老店Harrods大裝修，加造正門及換電梯。誰料英國頂級老牌百貨公司的裝潢和陳設，出自僅28個員工的香港中小企、港產設計師的手筆？
國際品牌叩門求幫手
「好多品牌，都係自己叩門入嚟搵我幫手。」架着粗框眼鏡的李偉生，自信爆棚。公司今年9月上市即登「認購王」第2位，這個早走進國際的港產設計師，是香港第一代名店高級「裝修佬」，包辦設計師、工程師及製造商工作。走進他位於鰂魚涌的辦公室，看到倫敦Harrods全新電梯模型，還有刻上Cartier字樣、手工精緻的銀鏡。
「連最細微嘅嘢都考慮埋，呢啲位最窩心。」下雨天，店舖都在門口放膠筒，讓客人入店前放下雨傘，負責店舖裝修設計的他就自動找人訂製刻上卡地亞標誌的金屬遮筒。大至室內佈局、用料，小至讓客人簽賬單的托簿，全部度身訂做。
他說高端零售行業2003年在美國起飛，然後吹到日韓；2007年後是催生最多「大款」的中國。與名店合作是不少設計師的夢想，但名店名氣大，規矩也多，工程前需簽保密協議，就連接受訪問也只能以字母為代號，讓記者順藤摸瓜自己猜品牌。「開拓呢個市場，要花多好多倍力，𠵱家你叩足4道門，可能都冇人會理你。」
1992年加拿大回流香港發展，首份工作負責設計Microsoft位於時代廣場的辦公室。「90年代香港經濟轉型，零售業開始蓬勃，以前啲名牌專櫃，多數設於大型百貨公司入面，呢段時間紛紛獨立開店。」看準時機，他辭職自立門戶，涉足小眾市場，「亞洲面孔同歐洲人傾生意，喺當年叫幾罕有，一個人拖住個篋，就飛去米蘭」。
金色Gucci店破傳統
開雲石廠的父親沒叫他子承父業，反而鼓勵外闖。愛嘗新的他，上海勞力士腕錶博物館的錶框入口，還有名店VIP開幕日的煙火效果，超越室內設計範圍。廣東道萬呎的金色Gucci旗艦店，當年由他統籌裝修設計，引入亞洲特色，打破傳統歐洲名店「又黑又暗」設計，「我話中國人買嘢，最唔鍾意就係黑猛猛」。他又改室內結構，建造4米闊樓梯。「10幾年前，攞住個名店紙袋行出街，係件好威嘅事。」
■記者呂麗嬋