馬德里體育會教練施蒙尼趁國際賽檔期去咗意大利，探佢效力熱拿亞嘅囝囝基奧雲尼施蒙尼，仲俾人發現喺米蘭出現，啲人即刻傳佢同國際米蘭傾合作嘅事；施蒙尼球員時代喺國米踢過兩季，所以都唔係冇可能。另外，馬體會前鋒基沙文喺幫法國贏瑞典2:1嘅世盃外傷出，可能會踢唔到周六主場對皇馬場西甲大戰。