將列陣周三(16日)快活谷四班1000米蔡約翰馬房的四歲馬「翩翩」，如果看馬會甚至本報蘋果馬網的賽績表，此駒對上一次出賽是今年7月10日跑第二，換言之今仗是久休四個月復出。
不過，心水清的馬迷，當然知道這並非事實，「翩翩」曾於上月26日贏谷草四班1000米，只因起步時各駒閘廂打開時間不一，造成不公平，跑完宣佈無效退款，因此造成「翩翩」賽績表上「消失了的頭馬」。
大家可記得除了「翩翩」，還有那些馬跑過該場賽事？其實已經不易從網上找出紀錄，當時順序跑出的三甲馬為「翩翩」、「勇勝王」及「勝一籌」，此三駒咁啱將在周三晚四班1000米再碰頭，記得上月26日「翩翩」輕勝幾個馬位，對手食晒塵，擺明唔同班。
「翩翩」跑第一後賽事宣佈無效退，當冇跑過毋須加分，含淚苦笑之餘，56分馬亦因此不用升班，得以繼續留在四班跑，一定超到暈，相信「勇勝王」及「勝一籌」爭駒，極難反先「翩翩」，上次「翩翩」食詐糊袋咗落袋要嘔番出來的48萬頭馬獎金，今次應可真正落袋了。