鍾景輝樂於提攜後輩，杜琪峯、羅冠蘭、黃秋生、歐錦棠及王祖藍等都是其徒弟，可謂桃李滿門。當年李司棋亦是由King Sir一手提攜，司棋姐昨在電話中說：「嗰時加入《歡樂今宵》，但我唔想演趣劇，就同爸爸一齊去搵King Sir，之後佢就畀機會我。記得第一部電視劇由森森做主角，我做護士，得兩句對白『病人需要休息，請你哋出去先』，哈，𠵱家仲好記得。」司棋姐讚King Sir是一位好有修養的老師，她說：「以前好幸福，我哋前一日會返廠排位、讀對白，King Sir喺現場教晒所有人，有問題會靜靜話你知，唔會令你冇面，永遠唔講人是非。」
King Sir得意門生黃秋生昨日則說：「佢啱啱做完手術，等佢好番少少先探。我喺King Sir身上學識做人，冇得頂呀！好似佢本書《寬實清和》。」
採訪：嵐山