牙買加飛人保特係曼聯球迷就好多人都知，而佢亦多次揚言要喺退役後轉行踢波，為紅魔效力。不過，保特近日就爆即將去德甲多蒙特跟操！佢話自己狀態夠「弗」又跑得快，仲好了解啲戰術，所以「蜜蜂兵團」會同佢簽約五年喎。另外，保特喺里奧完成3x3創舉，但估唔到佢當時着嘅跑鞋（圖）只係拍賣得3,590鎊（約35,100港元），比起估價8,000鎊平咗超過一倍。