昨晚台北舉行咗個「十大傑出時裝．視野大獎」頒獎禮，有份得獎嘅周麗淇(Niki)就露腰出席活動拎獎。同Niki份屬好友嘅甘比，最近呢幾個月多番陪住大劉出入養和醫院，又要照顧仔女，令到甘比都變得憔悴消瘦。
Niki受訪時講到好友甘比瘦咗好多，佢話有問候過對方：「我有問候佢，佢好辛苦，頻撲去醫院，不過佢身體係OK嘅，瘦啲仲好仲靚啲。」
同場嘅鄭元暢被問到《惡作劇之吻》開拍第三集，佢話冇收到邀請：「但很期望，等待，導演和演員都想再一次拍一部打動人心的劇集。」問佢工作咁忙有冇時間拍拖？佢話：「可一邊談戀愛一邊工作，這是每個人的選擇，最重要找到適合對象。」但就算結婚都唔會公開。