【本報訊】中西區直資名校聖保羅男女中學，昨舉辦中一招生簡介會，吸引約1,300名家長、學生取經。校方近年面試中妙問「阿華田點沖？點分生蝦熟蝦？」校長陳黃麗娟說是為了測試學生常識，非家長安排面試班可惡補，又直言不希望取錄盲目操練的家長、學生，「如果學生報成10樣課外活動，我哋會諗，小朋友係咪有空間去思考、去發夢呢？」
記者：周婷
聖保羅男女中學校長陳黃麗娟指，收生準則為具備學科基礎知識、生活常識，更重要是有好奇心和創意，故家長毋須操練子女，「以課外活動為例，我哋係貴精不貴多，亦覺得學生平日應該多啲時間同空間，可以思考或者發吓夢」。
面試考「阿華田點沖」
校方近年面試中曾妙問「阿華田點沖？」該校副校長沈幼文指，過往曾有面試學生，明顯是背誦了公式答案，面對有關生活常識的提問時，便會無法作答、甚至無法理解問題，不過這類學生只佔少數。陳黃麗娟指，正因該校面試題目「冇得估」，家長實毋須安排子女上面試準備班，「日常生活咁多範疇，你好難準備晒、背晒喎」。
陳黃麗娟預計今年報讀人數跟過去幾年相若，大約有1,200人，取錄名額90人，換言之約13人爭一學額。校方將依據申請人成績、操行、課外活動等，選出約450人進行個人面試，涵蓋中英數理，亦會測試學生的求知欲及創意，家長毋須參加面試。
校方積極招收學識、常識兼備學生，不過家長的想法似乎傾向務實，簡介會上有家長便透過校方提供的問題紙，直接問校方有多少畢業生成功升讀醫科、高中開設的國際文憑（IB）是否有人數限制等。
來自北京、在本港從事金融業的黃先生，早前已跟太太到協恩中學、德望學校等直資名校取經，但兩人均認為聖保羅更有名，太太亦屬意女兒讀男女校。黃先生認為香港教育比內地更好，「內地太着重學術成績，香港的學校着重培育個人發展」，希望女兒在香港完成中學後再升大學。
另一位家長郜先生亦帶同讀小五的兒子參加簡介會，因太太擔心兒子升讀小六後，才了解各直資學校「怕睇唔晒」。聖保羅男女中學每年學費5.5萬元，郜先生坦言會構成一定財政負擔，但如果兒子能考入「都應付到，寧願慳自己」。
