【本報訊】摘去鮮花然後種出大廈，是特首梁振英處理住屋問題的大方針。拆村建豪宅已非新鮮事，位於大埔滘樟樹灘鄉的乾坑村亦是當中的開刀對象。梁振英兩次於《施政報告》提出改劃綠化地帶建屋，乾坑村屬其中改劃為低密度私人住宅的綠化地。乾坑內約15戶已居住半世紀的村民，更在未得到正式通知下，發現家園已被列入最新的賣地計劃，當中一戶只被徵收前園及樓梯，或因而以後無法出入住所。
記者：梁佩珊
非原居民村落陸續成為政府發展大計下的犧牲品，繼菜園村及古洞被強拆後，乾坑村亦因綠化地帶改劃為住宅（丙類）用地需遷離。乾坑改劃的面積約為2.54公頃，其中可出售的政府用地面積約為1.12公頃，可建離水平基準120米高的建築物，即低密度私人住宅，預計只提供約150個住宅單位，而賣地範圍亦避開所有私人土地。乾坑附近同類住宅（丙類）鹿茵山莊每呎樓價高達1.3萬元。有關改劃只在城規會接受為期兩個月的公眾申述，及兩次於區議會向議員徵詢意見。
3戶須於月內遷出
半世紀前，乾坑是沒有路的荒山，由約10名村民修路建屋，大多居於寮屋數十載。去年乾坑的改劃用地計劃通過後，地政總署同年起到乾坑登記及於村內張貼通告，村民始知家園將被出售，3㻇須於12月前遷出，其餘則須明年下半年遷出。
大部份村民都被徵收住所的所有土地，黃伯卻只被徵收前園及樓梯，但村民都堅決不遷不拆。73歲的黃伯的前園種滿果樹，他不滿地政總署的處理手法，「淨拆樓梯，咁我行邊？梗係唔走啦，點解無端端走，成個山村，係我哋開發，樓梯係推土機推咗好耐先一級級，樓梯都唔（留）畀（我），攞咗樓梯我搭直升機上嚟？」黃伯表示，地署去年底才首次到乾坑村就改劃賣地為村民登記，但地署「乜都冇講，又冇發信，淨係口講，貼（通告）喺度」。
地政總署回覆稱，黃伯住所的清拆行動是配合賣地計劃而進行，有關計劃出售的土地範圍現階段仍在草擬中，當所涉範圍有決定後，大埔地政處會視乎實際情況作出適當安排。
政府無提賠償方案
村民上月已開始組織自救隊。年屆六旬的許氏夫婦在村內種花餬口，「住咗幾十年，住咗幾代人，就算分屋，我根本唔想搬，如果攞咗個呢個地方，係冇得再種花，我生活上都唔知做乜好」。許太不滿政府收地只為賣地予地產商，「佢唔係起屋邨，係起低密度豪宅，係咪喺窮人飯碗攞去畀有錢人呢？」村民彭先生亦不滿政府未曾主動向他們解釋賠償或安置方案，「只話收地、清拆，冇話應承賠償，點安置你，完全冇講過」。他說堅拒遷出，「梗係唔願意啦！住咗幾十年，心血擺晒喺度」。
長春社助理公共事務經理吳希文認為乾坑仍有人居住，不能忽略社區價值，但政府只會視反對聲音為個人聲音，從不重視個人聲音，「價值唔只係生態價值或者每呎地價，更重要係人，係村民間嘅社區網絡」。
