今季墮馬意外頻生，據知幾位騎師私底下，都希望馬會盡快舉行兩個馬場拜神儀式。話口未完，祈普敦今晨（11日）策騎「哥哥仔」試閘墮馬，幸而有驚無險，人馬無恙，祈普敦並自行跑回機坪，搵「哥哥仔」的練馬師賀賢匯報有關情況。祈普敦離場時，更舉起大拇指說自己OK，叫大家No Worry（不用擔心）。
另一位之前墮馬受傷的阿Ben蘇狄雄，10月8日策「銀豐神駒」出事暈得一陣陣，腦部受震盪，一度被送入深切治療部，當時曾出現口齒不清的情況，至今已養傷一個月，曾一日三次吃腦神經藥，直至今晨阿Ben終於復課操馬，共為「勝利仔」、「幻影飛鷹」、「環保動力」及「開心美麗」4駒於內圈踱步。
29歲的阿Ben收操後精神奕奕地說：「希望下個禮拜日（20日）可以跑到馬上番陣，身體已好好多，頭一兩個禮拜暈好多，啲藥都食晒，之前吃腦神經藥，瞓咗好多日，一食完啲藥就眼瞓。」
阿Ben強調如今已毋須再食藥，精神亦好了好多，個人狀態正提升中，十分期待復出的一天。