被稱為「狂人」嘅特朗普當選美國總統，好多政治評論員同傳媒都跌到一地眼鏡碎，但自由黨榮譽主席田北俊就似乎有先見之明，佢喺facebook貼出和朋友聚餐的相片，仲話因為Donald Trump勝出，幫佢贏咗5餐飯！仲喺相中留下「晨早就買咗佢贏」的hashtag，又話「狂人當道香港都有」，明顯又係寸特首梁振英！
有網民喺佢個post留言，要求田少為香港推薦一個狂人出來「砌低689，咁就very good 啦！讓世界瘋狂起來」，就連曾參與佔中的細黃伯亦喺田少facebook留言稱「撥亂反正……捨你其誰」，並呼籲田少「唔好成日掛住剝花生」。