趣趣地:港球證助日本炒阿曼

趣趣地:
港球證助日本炒阿曼

日本(藍衫)下周二會喺主場同沙地阿拉伯踢世盃外亞洲區12強賽,噚日就同阿曼踢友賽,等自己可以有所準備。呢場波佢哋試陣為主,正選名單上有永木亮太同埋丸山祐市呢啲球迷較為陌生嘅面孔;雖然冇「夫添」,但佢哋都贏得好輕鬆,憑大迫勇也梅開二度,之後執法呢場波嘅香港球證廖國文喺64分鐘畀咗日本一個具爭議嘅12碼,由清武弘嗣射入,同埋小林祐希喺補時三分鐘埋齋大勝4:0,就算臨場落飛由讓球半/兩球轉盤到兩球半/三球,都順利開出上盤。