劉皇發之子劉業強的愛駒「騂龍」，本周三晚（9日）剛於快活谷四班一哩配何澤堯打開服役勝門，以兩馬位之先輕取亞軍「奇真」，賽後「發仔」劉業強高高興興同太太葉愛愛拉頭馬。
不過劉業強爸爸劉皇發的「龍船鼓響」就冇咁好彩，上仗爭三班1400米，騎師田泰安大力扣足大半程，早段居後，直路初跟在馬群中死位，遲遲才上前跑第五，惹來很多批評，不少網民均認為安仔發揮有瑕疵。
「龍船鼓響」周六（12日）出賽換上猛人輝蘇兆輝，增程角逐第十場三班1600米，劉業強又點睇呢？他說：「由於上場田泰安發揮『龍船鼓響』，大家都對他很失望，所以今次想騎師試一試，我們認為搵歐洲高手蘇兆輝跑會更加合適。而自從上場跑完1400米後，我們亦覺得『龍船鼓響』需要增程跑1600米，今場排9 檔還算可以，機會應該唔錯。」